Allegri: Chiesa dhe Dybala startojnë nesër, gabova ndaj Interit

UDINE, ITALY - OCTOBER 06: Massimiliano Allegri head coach of Juventus looks on during the Serie A match between Udinese and Juventus at Stadio Friuli on October 6, 2018 in Udine, Italy. (Photo by Alessandro Sabattini/Getty Images)

14:52 | 26 Tetor 2021
A. B.

Massimiliano Allegri zbuloi se Chiesa dhe Dybala do të startojnë ndaj Sassuolos nesër dhe pranoi se ka gabuar në ndeshjen ndaj Interit.

“Zonja e Vjetër” është e pamposhtur në shtatë ndeshje të Serie A, por janë 10 pikë prapa liderëve, Napolit dhe Milanit.

“Paulo Dybala dhe Federico Chiesa do të luajnë, kështu që të gjithë janë të lumtur. Ju shkruani dhe unë ju bëj të lumtur”, tha Allegri duke iu referuar gazetarëve që e kritikuan që nuk startoi me asnjërin prej tyre ndaj Interit.

“Chiesa është top lojtar. Dybala ka teknikë kualitatitve. Të dielën un% gabova, por e lexova ndeshjen në një mënyrë tjetër”, tha Allegri.

Juventusi barazoi 1:1 me Interin të dielë, në derbin e madh italian. Bianconerët barazuan krejt në fund falë një penalltie. /GE/